Zindagi Kaisi Tu Paheli

Kabhi lagta hai zindagi tu ruk si gayi hai,

Aur kabhi lagta hai tu bhaag rahi hai.

Yeh waqt bhi buss guzarne k liye hi katt ta jaa raha hai,

Din pe din buss nikalte ja rahe hai,

Warna hum to thame hi hue hai!

Raat ka andhera aur sannata dekh ke acha lagta hai,

Lagta hai duniya bhi mere ghum me shareek hui hai,

Par kambakht kal subeh fir ujaala hoga,

Aur sab chal padenge,

Hum wahin khade reh jayenge tanha!

Kitni chakachaund bhari yeh duniya,

Harr koi fir b andar se khokla,

Jisse b baat karun, kyun hai wo toote dil? Behaal? Bebass?

Insaan kya hai?

Bediyon me bandha,

Adhoore rishton tale daba ek ghulaam.

Kabhi lagta hai tune jo diya

Wahi bahot hai, aey zindagi,

Jhoom lun inn khushiyon mein,

Choom lun harr naye din ko,

Aur kabhi lagta yun - sari neymatein bekaar.

Kaisi hai paheli tu zindagani,

Kabhi hasaye, kabhi tu rulaye!